आओ आओ साँवरिया बेगा आओ लिरिक्स Aao Aao Sanwariya Bega Aao Lyrics, Khatu Shyam Ji Bhajan by Rakesh Kala

मीठो है नमकीन है बाबा,
चरपरो थोड़ो खाटो,
सोने की थाली में परोसियो,
ढाल चांदी को बाटो,
टाबरिया मनुहार करे बाबा,
देखूं थे कहीया नांटो,
भोग लगाओ श्याम धणी रे,
म्हारा बाकी भक्तां ने बाँटो।

आओ आओ सांवरिया,
बेगा आओ,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।

केसरिया बरफी कलाकंद रबड़ी,
पैड़ा इमरती बालूशाही,
लाडू बूँदिया जलेबी रसगुल्ला,
गाजर पाक रसमलाई,
गुलाब जामुन शक्कर पारा,
घेवर न्यारा न्यारा,
जिमें आवे जी गोधे और घलाओं,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।

दाल मोठ पकोड़ी कचौड़ी,
भुजियां पापड़ चिवड़ो,
कढ़ी राबड़ी साग सांगरी को,
बाजरे को बाबा खीचड़ो,
रायते में जीरा को तड़को,
पीओ मार सबड़को,
साग काचरे की चटनी चटाओ,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।

आम अमरूद अंगूर अनानास,
आलू बुखारा अनार धरिया,
केला सेब पपीता चीकू,
संतरा मौसमी रसधार धरिया,
काकड़िया रे लाल मतीरा,
तर टमाटर खीरा,
नींबू खाटो थोड़ो छिड़काओ,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।

काजू किसमिस नोजा खुरमाणी,
खोपरा छुहारा बादाम लेओ,
जिम जूठ और आचमन करके,
फिर थोरी आराम लेवो,
सौंफ इलाईची हाजिर कर दी,
सागे मिशरी धर दी,
सोई नागरिया पान चवाबो,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।

छप्पन भोग परोसया थारे भगता,
श्याम धणी स्वीकार करो,
सरल बावळो महिमा गावै,
अन्न धन्न रो भंडार भरो,
लीला थारी सब जाग जानी,
थे हो शीश का दानी,
बिगड़ी भक्तां थे हो तो बनाओ,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।

आओ आओ सांवरिया,
बेगा आओ,
जीमों जी भोग लगाओ,
है छप्पन भोग तैयार जी,
थारा टाबरियां करे मनुहार जी।