कीर्तन की रात बाबा,
बेगा बेगा आओ,
नीले चढ़ सांवरिया थे,
बेगा बेगा आओ,
काई लागे हैं जी बाबा,
थारे आवण में,
रातां म्हे जगावां, थारी जागण में,
आओ आओ म्हारा सांवरिया,
थे आंगण में,
रातां म्हे जगावां, थारी जागण में,
रातां म्हे जगावां, थारी जागण में।

ढोल नगाड़ा बाबा,
मंजीरा बजावां,
मीठा मीठा बाबा थाने,
भजन सुणावां,
बाबा टाबरिया नाँचे है,
थारे आँगन में,
रातां म्हे जगावां, थारी जागण में,
आओ आओ म्हारा सांवरिया,
थे आंगण में,
रातां म्हे जगावां, थारी जागण में,
रातां म्हे जगावां, थारी जागण में।

केसरिया बागो यो बाबा,
थाने पहरावां,
चाँदी रो थारे बाबा,
छतर लगावां,
म्हे तो फुलां सूं सजावां,
थारे आँगन ने,
रातां म्हे जगावां, थारी जागण में,
आओ आओ म्हारा सांवरिया,
थे आंगण में,
रातां म्हे जगावां, थारी जागण में,
रातां म्हे जगावां, थारी जागण में।