क्यूँ दिन घालो आशा पूरद्ययो जी भजन लिरिक्स Kyo Din Ghalo Asha Poordyo Bhajan Lyrics, Khatu Shyam Ji Bhajan by Shyam Singh Chouhan Khatu
क्यूँ दिन घालो, आशा पूरद्ययो जी,
ओ जी म्हारा, खाटू वाळा श्याम,
देर करया, पत थारी जयासी जी,
ओ जी म्हारां, खाटू वाला श्याम।
ताली दे दे हाँसे लोगड़ा जी,
ओजी म्हारा आप सुँवारो काम,
यो मनड़ो इब गम ना खायसी जी,
ओ जी म्हारां, खाटू वाला श्याम।
आस घणी थारी म्हानें साँवराजी,
ओजी थे तो आवो करके लाम,
यो टाबर गुण थारा गायसी जी,
ओ जी म्हारां, खाटू वाला श्याम।
दूखण लागी आँख्यां डीकताँ जी,
ओजी बाबा अहलवतीरा लाल,
निरख-निरख मन माँ हरषाय जी
ओ जी म्हारां, खाटू वाला श्याम।
काला बादल गरजै शीश पै जी,
ओजी थारो दुःख हरता है नाम,
श्यामधणी कद दर्शण पायस्याँजी,
ओ जी म्हारां, खाटू वाला श्याम।
रात च्यानणी धोली दूधसी जी,
ओजी थारै शरणै काशीराम,
साल सवाई खाटू आयस्याँजी,
ओ जी म्हारां, खाटू वाला श्याम।
क्यों दिन घालो, आशा पूरदयोजी,
ओ जी म्हारां, खाटू वाला श्याम,
देर करया, पत थारी जयासी जी,
ओ जी म्हारां, खाटू वाला श्याम।