रंग बिरंगा बागा ऊपर,
गोटो चमकदारी,
बेल बूटी और मोर मंड्या है,
ऐसी कारीगारी,
की पहरे लागे जोरदार,
म्हारो सांवरियो सरकार,
सांवरियो सरकार,
म्हारों सांवरियो सरकार,
बागों पहरे घूमरदार,
म्हारों सांवरियो सरकार।

कई रकम का गजरा पहरे,
कई रकम की पगड़ी,
ई दुनिया मे श्याम धणी की,
शान है सबसे तगड़ी,
ओ देवे किस्मत ने सँवार,
म्हारो सांवरियो सरकार,
सांवरियो सरकार,
म्हारों सांवरियो सरकार,
बागों पहरे घूमरदार,
म्हारों सांवरियो सरकार।

रूप सजीलो लागे प्यारो,
निरख निरख हरषाऊँ,
जी में आवे श्याम धणी थाने,
गोड्यां कर ले जाऊँ,
की थारी लेऊं नज़र उतार,
म्हारो सांवरियो सरकार,
सांवरियो सरकार,
म्हारों सांवरियो सरकार,
बागों पहरे घूमरदार,
म्हारों सांवरियो सरकार।