म्हारा खाटू वाला श्याम ओ म्हारा लीले वाला श्याम लिरिक्स Mhara Khatu Wala Shyam Lyrics Sanjay Mittal, Khatu Shyam Ji Bhajan by Sanjay Mittal

सिद्ध श्री शुभ, ओपमा थाने,
पावाँ धोक प्रणाम जी,
समाचार इक बंच ज्यो,
थासूं बहुत जरुरी काम,
म्हारा खाटू वाला श्याम,
ओ म्हारा लीले वाला श्याम।

घणा मान स्यूं लिख्यो आज,
थारो उत्स्व एक मनाणो है,
घणां मान स्यूं लिख्यो आज,
थारो उतसव एक मनाणो है,
थोड़ो लिख्यो घणो समझोगा,
थाने निशचय आनो है,
म्हारा खाटू वाला श्याम,
ओ म्हारा लीले वाला श्याम।

सगळा साथ मिल घणा चाव स्यूं,
नितकी मंगल गावे है,
और बात सब ठीक ठाक पर,
थारी याद सतावे है,
म्हारा खाटू वाला श्याम,
ओ म्हारा लीले वाला श्याम।

सेवक थारा घणा उनमना,
था बिन बहुत उदास जी,
जिमे हो तो करो कलेवा,
आकर म्हारे पास जी,
म्हारा खाटू वाला श्याम,
ओ म्हारा लीले वाला श्याम।

भूल चूक सब माफ़ करो,
म्हाने बेगा दर्शन दीज्यो जी,
दास बिहारी के नैना में,
हरदम बैठ्या रहीज्यो जी,
म्हारा खाटू वाला श्याम,
ओ म्हारा लीले वाला श्याम।