म्हारा खाटू वाला श्याम लिरिक्स Mhara Khatu Wala Shyam Lyrics Sanjay Mittal, Khatu Shyam Ji Bhajan by Sanjay Mittal Ji

सिद्ध श्री शुभ ओपमा थानें,
पावा धोक प्रणाम जी,
समाचार एक बंच ज्यो थासूं,
बहुत जरुरी काम जी,
म्हारां खाटू वाळा श्याम,
ओ म्हारा लीले वाळा श्याम।

घणां मान स्यूं लिख्यो आज थारो,
उत्सव एक मनाणों है,
थोड़ों लिख्यो घणों समझोगा,
थानें निश्चय आणो है,
म्हारां खाटू वाळा श्याम,
ओ म्हारा लीले वाळा श्याम।

सगळा साथ मिल घणां चाव स्यूं,
नित की मंगल गावै है,
ओ बाबा, नित की मंगल गावै है,
और बात सब ठीक ठाक पर,
थारी याद सतावे है,
म्हारां खाटू वाळा श्याम,
ओ म्हारा लीले वाळा श्याम।

सेवक थारा घणा उनमणा,
था बिन भोत उदास जी,
ओ बाबा, था बिन भोत उदास जी,
जी में हो तो करो कलेवा,
आकर म्हारें पास जी,
म्हारां खाटू वाळा श्याम,
ओ म्हारा लीले वाळा श्याम।

भूल चूक सब माफ़ करो,
म्हणे बेगा दर्शन दीज्यो जी,
दास बिहारी के नैणां में,
हरदम बैठ्या रिझ्यो जी,
म्हारां खाटू वाळा श्याम,
ओ म्हारा लीले वाळा श्याम।

म्हारां खाटू वाळा श्याम,
ओ म्हारा लीले वाळा श्याम,
सिद्ध श्री शुभ ओपमा थानें,
पावा धोक प्रणाम जी,
समाचार एक बंच ज्यो थासूं,
बहुत जरुरी काम जी,
म्हारां खाटू वाळा श्याम,
ओ म्हारा लीले वाळा श्याम।