के कारण क्यों रोई बेटी,
उतरा तेरा चेहरा क्यों,
भक्तों के म्हां घिरा रहे सै,
मेरा ल्योगे बेरा क्यों,
हमने कितनी लाली अरजी,
बाबा आगे तेरी मरजी,
हमने तो अपणा दिल समझा लिया,
ओ मेरे बाबा…………..,
संकट ने जी मेरा खा लिया।
ओ मेरे बाबा,
संकट ने जी मेरा खा लिया।

नेम टेम पुरे करके,
चालिसा का पाठ करो,
नेम टेम ना पुगण पावै,
कोशिश तीन सौ साठ करो,
मेरे घर में एक खराबी,
मिल रह्या पति शराबी,
दो बै  ब्रत छुड़ा लिया,
ओ मेरे बाबा…………..,
संकट ने जी मेरा खा लिया।
ओ मेरे बाबा,
संकट ने जी मेरा खा लिया।

अपणी लगन लगाए रखना,
उसने आप सुधारूँ मैं,
पति मेरा रस्ते पे आ ज्या,
जान तेरे पे वारूँ मैं,
मेरा कर्या गात का झोड़ा,
घर में बर्तन भी ना छोड़ा,
देख अड़े भी यो आ लिया,
ओ मेरे बाबा…………..,
संकट ने जी मेरा खा लिया।
ओ मेरे बाबा,
संकट ने जी मेरा खा लिया।

चटका इब करूँ मेरी बेटी,
मत ना मन में डरिये है,
हे नेम करेगा दारू का,
मन में धीरज धरिये है,
देख या बालाजी का चटका,
रो रो सिर पाया में पटक्या,
कृष्ण वचन भरा लिया,
ओ मेरे बाबा…………..,
संकट ने जी मेरा खा लिया।
ओ मेरे बाबा,
संकट ने जी मेरा खा लिया।