म्हाने हिचकी आवे भजन लिरिक्स Mhane Hichaki Aave Lyrics, Khatu Shyam Ji Bhajan by Sanjay Ji Mittal

म्हाने हिचकी आवे,
छाजै पर बोले कालो कागलो,
म्हाने श्याम बुलावे,
याद करे है म्हारों सांवरो।

सोऊँ तो सुपने दिखे जी,
कोई बजा रहयो है चंग,
भक्ता सागे मिल रहयो,
कोई उड़ा रहयो है रंग,
फागणियो आ गयो,
झाला देवे है म्हारो सांवरो,
म्हाने श्याम बुलावे,
याद करे है म्हारो सांवरो।

काम करूँ तो मन ना लगे जी,
म्हारो जीवड़ो उमड़यो जाए,
यूँ लागे सांवरियो म्हाने,
बगल खड़्यो मुस्काए,
म्हने कुछ ना भावे,
जाऊं जठे ही दिखे सांवरो,
म्हाने श्याम बुलावे,
याद करे है म्हारो सांवरो।

काली कोसा बस रह्यो जी,
म्हारे मनड़े रो चितचोर,
पंख नहीं तो उड़ जावती,
मैं सारा बंधन तोड़,
म्हारी सुध बिसराई,
नैन मिलाके म्हासे सांवरो,
म्हाने श्याम बुलावे,
याद करे है म्हारो सांवरो।

दिल को तार मिल्यों दिल से,
तो श्याम हुया आधीन,
हो घुड़ले असवार,
आयो मन को मीत,
म्हारी प्रीत पिछाणी,
मिलने आयो है म्हासे सांवरो,
म्हाने श्याम बुलावे,
याद करे है म्हारो सांवरो।

म्हानें हिचकी आवे,
छाजै पर बोले कालो कागलो,
म्हाने श्याम बुलावे,
याद करे है म्हारो सांवरो।